"Çelsi" Osimhen üçün yarışda "Arsenal"ı qabaqlayır

"Çelsi" klubu "Napoli"nin hücumçusu Viktor Osimhen uğrunda mübarizədə "Arsenal"ı qabaqlayır.

90deqiqe.Az "Team Talk"a istinadən xəbər verir ki, londonlular 25 yaşlı forvardın transferi üçün yarışda favorit hesab olunur. Nigeriyalı oyunçunun müqaviləsində təzminat məbləği göstərilib ki, bu da 130 milyon avrodur. Bir neçə ay əvvəl Viktor "Napoli" ilə 2026-cı ilin yayında başa çatacaq yeni müqavilə imzalayıb.

Qeyd edək ki, dünən Osimhen Çempionlar Liqasının 1/8 finalında Kataloniya “Barselona”sı ilə görüşdə “Napoli”nin heç-heçəsinə kömək edib. İtaliya A Seriyasında Viktor bu mövsüm 7 qol vurub, 2 məhsuldar ötürmə edib.