"Çelsi" Kunde üçün yenidən cəhd edəcək

"Çelsi" yenidən "Barselona"nın müdafiəçisi Jül Kundeni transfer etməyə çalışacaq. 

90deqiqe.Az-ın məlumatına görə, "zadəganlar"ın rəhbərləri qarşıdan gələn yay transfer pəncərəsində Kunde ilə müqavilə imzalamaq üçün cəhdlər edəcəklər. London skautları Çempionlar Liqasının 1/8 final mərhələsinin "Napoli" ilə ilk oyununda 25 yaşlı futbolçunun oyununu izləyiblər.

Xatırladaq ki, Kataloniya klubuna keçməzdən əvvəl “aristokratlar” müdafiə oyunçusunu ovlasalar da, fransızı almaq uğrunda mübarizədə “mavi qranat”ları qabaqlaya bilməyiblər.

Kunde 2022-ci ilin yayında 50 milyon avroya "Sevilya"dan "Barselona"ya keçib.Bu mövsüm müdafiəçi bütün turnirlərdə 32 "Blauqrana" matçında iştirak edib və iki qol vurub və bir məhsuldar ötürmə edib. Futbolçunun İspaniya klubu ilə hazırkı əmək müqaviləsi 2027-ci ilin yayına kimi nəzərdə tutulub. Nüfuzlu “Transfermarkt” internet portalında verilən məlumata görə, futbolçunun bazar dəyəri 60 milyon avrodur.