"Yuventus"un ulduz futbolçusu "Barselona"ya təklif edilib

"Yuventus"un yarımmüdafiəçisi Adrien Rabiot "Barselona"ya keçə bilər.

90deqiqqe.Az xəbər verir ki, 28 yaşlı futbolçunun xidməti bir müddət əvvəl agenti vasitəsilə "Barselona"ya təklif olunub. Keçən il də eyni şey olmuşdu, lakin sonra Rabiot başa çatan müqaviləsini uzatmaqla "Yuventus"da qaldı. Kataloniya klubunun yarımmüdafiəçinin bacarığını yüksək qiymətləndirdiyi güman edilir.

fransız futbolçunun Turin klubu ilə müqaviləsi cari mövsümün sonunda başa çatır. Adrien Rabiot bu mövsüm "byankoneri"nin heyətində 23 oyunda 4 məhsuldar ötürmə və 3 qol vurub. Transfermarkt portalı futbolçunun dəyərini 40 milyon avro qiymətləndirir.