- Transfer
- 23:58 21.04.2026
"Mançester Siti"nin hücumçusu Erlinq Haaland karyerasını İspaniyada davam etdirə bilər.
90deqiqqe.Az xəbər verir ki, forvardın agenti İspaniyada "Barselona"nın idman direktoru Deko ilə görüşüb. Nümayəndələr norveçlinin potensial transferini müzakirə ediblər.
Haalandın müqaviləsində 200 milyon avro sərbəst buraxılma maddəsi var.
Xatırladaq ki, 23 yaşlı futbolçunun "şəhərlilər" ilə hazırkı müqaviləsi 2027-ci ilə qədərdir.
Bu mövsüm norveçli "Mançester Siti"nin heyətində bütün turnirlərdə 30 oyun keçirib, 27 qol vurub və 6 məhsuldar ötürmə edib.
