Roma'dan Higuain'ə təklif: Bizə gəl, kapitanımız ol

“Roma” “Juventus”un futbolçusu G.Higuain'i transfer etmək istəyir.

Corner.az İtaliya mətbuatına istinadən xəbər verir ki, “Chelsea” ilə icarə müqaviləsi bitdikdən sonra məxsus olduğu “Juventus”a qayıdan 31 yaşlı futbolçu “canavarlar”ın maraq dairəsinə düşüb. Paytaxt klubu, argentinalı futbolçunun təklifi qəbul edəcəyi halda, ona komandanın kapitanlığını da verə biləcəyini bildirib.

Buna baxmayaraq, Higuain'in Turin təmsilçisindən başqa, İtaliya klubunda çıxış etmək istəmədiyi bildirilir.

Qeyd edək ki, ötən mövsüm "Chelsea”yə icarəyə verilən 31 yaşlı futbolçu “zadəganlar”la Premyer Liqada 14 qarşılaşmada iştirak edib.