Keşlə sabiq futbolçusunu geri qaytardı

Keşlə heyətini yeni futbolçularla gücləndirməyə hazırlaşır.

Klubdan verilən məlumata görə, paytaxt təmsilçisi sabiq futbolçuları - Pərdis Fərcad-Azadla Sezar Meza Kollini geri qaytarıb. Mövsümü sonunda "Zirə"dən ayrılan hücumçu bir neçə gündür komanda ilə birlikdə məşq edir.

Paraqvaylı pleymeyker Meza Kolli isə artıq Bakıya gəlib. 27 yaşlı yrımmüdafiəçi "Səbail"in Avropa Liqasının 1-ci təsnifat mərhələsindəki rəqibi "Universitatya"dan icarəyə götürülüb. Hər iki oyunçu ilə yaxın günlərdə rəsmi müqavilə imzalanacaq.

Qeyd edək ki, Pərdis 2016-2018, Meza Kolli isə 2013-2015, 2016 və 2018-ci illərdə "Keşlə"də çıxış edib.(qol)