Kriştiano Ronaldonun Səudiyyə Ərəbistanındakı gələcəyi ilə bağlı açıqlaması

"Əl-Nəsr"ın ulduzu Kriştiano Ronaldo Asiya Çempionlar Liqasının 1/4 final cavab oyunundan əvvəl gələcəyi ilə bağlı açıqlamalar verib.

90deqiqe.az xəbər verir ki, Ronaldo Səudiyyə Ərəbistanında xoşbəxt olduğunu bildirib.

"Səudiyyə Ərəbistanında olmaqdan və "Əl-Nəsr"da oynamaqdan xoşbəxtəm" deyən Ronaldo mövsümün onlar üçün yaxşı keçdiyini, çünki şanslarının bütün turnirlərdə davam etdiyini bildirib.

39 yaşlı Kriştianu Ronaldonun "Əl-Nəsr"la müqaviləsi 2025-ci ildə başa çatacaq.

Bu mövsüm Səudiyyə Ərəbistanı təmsilçisinin heyətində ümumilikdə 31 oyuna çıxan portuqaliyalı ulduz 28 qol vurub, 11 məhsuldar ötürmə edib.