“Real”ı "Mançester Yunayted"ə dəyişir?

"Mançester Yunayted" heyətini gücləndirməyi planlaşdırır.

90deqiqe.Az-ın məlumatına görə, “qırmızı şeytanlar” “Real Madrid”in hücumameyilli yarımmüdafiəçisi Brahim Diazla maraqlanır. Kilian Mbappenin "Real Madrid"ə ehtimal transferini nəzərə alsaq, “Real” hücumçu qrupdakı oyunçulardan biri ilə ayrılmağa hazır ola bilər. Eyni zamanda, Diazın Madrid klubunda qalmaq niyyəti daha əvvəl bildirilmişdi.

2023/2024 mövsümündə Brahim Diaz 33 rəsmi oyun keçirib, doqquz qol vurub və dörd məhsuldar ötürmə edib. Nüfuzlu Transfermarkt portalının mütəxəssisləri futbolçunu 20 milyon avro dəyərində qiymətləndirirlər.