Devis “Real”a keçməyə köklənib

"Bavariya"nın sol cinah müdafiəçisi Alfonso Devis "Real Madrid"ə keçmək istəyir.

90deqiqe.Az "Diario AS"a istinadən xəbər verir ki, Devis “Bavariya” ilə razılığa gəlmədiyi üçün Madrid klubuna keçmək istəyir.

Kanadalı 20 milyon avro maaş hədəfləyir və Münhen komandası hazırda oyunçuya 13-14 milyon avrodan yuxarı maaş təklif edə bilmir.Əvvəllər "Real Madrid" "Bavariya"nın müdafiəçisi ilə maraqlanırdı, hazırkı vəziyyətdə Madrid klubu Alfonso ilə müqavilə imzalamaq şansını artırıb. İndi 23 yaşlı futbolçu transferlə bağlı klubların razılığa gəlməsini gözləyir.

Xatırladaq ki, 2020-ci ilin aprelində "Bavariya" Alphonso Davies ilə müqaviləni 30 iyun 2025-ci ilə qədər uzadıb. Bu mövsüm kanadalı müdafiəçi Almaniya klubunun heyətində bütün turnirlərdə 31 oyun keçirib, bir qol vurub və üç məhsuldar ötürmə edib. Transfermarkt-ın məlumatına görə, Alfonsonun bazar dəyəri 70 milyon avrodur.