Juventus-un müdafiəçisi Medhi Benatia Milana keçə bilər.
Corner.az Goal.az-a istinadən xəbər verir ki, Milan-ın heyətində Kaldara və Musakkyonun zədələnməsi Gennaro Gattusonu çətin vəziyyətə salıb. Gənc məşqçinin xidmətində Zapata və kapitan Romanyolidən başqa mərkəz müdafiəçisinin olmadığından Milan yanvar ayında həmin mövqeyə oyunçu transfer etməyi planlaşdırır. Son illər əzəli rəqibi Juventus-la bir çox transfer əməliyyatı həyata keçirdən "qırmızı-qaralar" indidə Medhi Benatianı icarəyə götürmək istəyirlər. Milan-ın Benatianı 6 aylıq icarəyə, daha sonra isə 15 milyon avroya satın almağa istədiyi deyilir. Qeyd edək ki, 31 yaşlı Medhi bu mövsüm "ağ-qaralar"ın heyətində cəmi 5 oyunda meydana çıxıb.
