Osimhen PSJ-yə keçir?

"Napoli"nin və Nigeriya millisinin hücumçusu Viktor Osimhen PSJ-yə keçə bilər.

90deqiqe.Az xəbər verir ki, futbolçu artıq agentinə İtaliya klubundan ayrılmağa zəmin hazırladığını bildirib. 

Nigeriyalıya PSJ-dən başqa, "Çelsi" və "Arsenal" da iddialıdır. Lakin Osimhen karyerasını Liqa 1-də davam etdirməyə meyllidir. PSJ rəhbərliyi komandada Kilian Mbappeni əvəzləyəcək 25 yaşlı forvardın mümkün transferini artıq hazırlayıb.

Əvvəllər Transfermarkt portalı Osimheni dünyanın ən bahalı 10 futbolçusu sırasına daxil etmişdi.

Xatırladaq ki, “Napoli” Osimhen üçün təzminat məbləğini 130 milyon avro müəyyən edib.