Kimmix üç Premyer Liqa nəhənginin hədəfində

"Bavariya"nın yarımmüdafiəçisi Coşua Kimmix İngiltərə Premyer Liqasının üç top klubunun maraq dairəsindədir.

90deqiqe.Az "Talksport"a istinadən xəbər verir ki, almaniyalının xidmətində “Arsenal”, “Liverpul” və “Mançester Siti” klubları maraqlıdır. Bu komandaların hamısı hazırda Premyer Liqa çempionluğu uğrunda mübarizə aparır.

Xatırladaq ki, Kimmixin yayda "Bavariya" ilə müqaviləsinin bitməsinə bir il qalacaq. Əvvəllər münhenlilərin futbolçunu 2025-ci ildə təmənnasız itirməmək üçün növbəti transfer pəncərəsində sata biləcəyi ilə bağlı xəbərlər yayılmışdı. Coşuanı Transfermarkt 60 milyon avro dəyərində qiymətləndirir.