Zaniolo İtaliyaya qayıda bilər

"Roma"nın sabiq yarımmüdafiəçisi Nikolo Zaniolo İtaliya çempionatına qayıda bilər.

90deqiqe.Az xəbər verir ki,"Napoli" 24 yaşlı futbolçunu transfer etməkdə maraqlıdır. Klub futbolçuya beş illik uzunmüddətli əmək müqaviləsi təklif etməyə hazırdır.

Bu mövsüm Nikolo "Birmingem Aston Villa"da icarə əsasında çıxış edir. Yarımmüdafiəçinin tam müqaviləsi "Qalatasaray"a məxsusdur.

İngiltərə Premyer Liqasının bu mövsümündə Zaniolo 22 oyun keçirib və 2 qol vurub. "Napoli" İtaliya çempionatının cari mövsümündə uğursuz çıxış edir. 30 turdan sonra neapollular turnir cədvəlində cəmi səkkizinci yeri tuturlar.