Barış Alper Yılmaz 15 milyon avroya

"Qalatasaray"ın cari mövsümdəki "JOKER"i Barış Alper Yılmaz Avropa komandalarının marağına səbəb olub.

90deqiqe.az xəbər verir ki, xüsusilə İtaliyadan “Latsio” və “Napoli”nin gündəmində olan Barış Alper Yılmaza Almaniyadan da elçi düşüb. "Ayntraxt Frankfurt” Barış Alper Yılmaz üçün 15 milyon avroluq transfer haqqından keçməyə hazırdır. Türkiyənin "Sabah" qəzetində yazılan məlumata görə "Qalatasaray" 2021-22 mövsümündən əvvəl "Ankara Keçiörengücü"ndən Barış Alper Yılmazı 2,1 milyon avroya transfer edib.

Bu mövsüm bütün yarışlarda 48 matçda meydana çıxan və 2790 dəqiqə meydanda olan 23 yaşlı futbolçu 4 qol və 9 məhsuldar ötürməlik statistikaya imza atıb.

Barış Alper Yılmazın "Qalatasaray"la 2027-ci ilə qədər müqaviləsi var.

Transfermarkt-ın məlumatına görə, milli futbolçunun hazırkı bazar dəyəri 13 milyon avrodur.