Zidanın hərəkəti biabırçılıqdır - Beylin meneceri
-
Transfer
-
14:16 21.07.2019
-
Oxunma sayı: 493
Qaret Beylin meneceri Conatan Barnett "Real"ın baş məşqçisi Zinəddin Zidanın uelsli futbolçunun komandadan ayrılacağı ilə bağlı səsləndirdiyi fikirlərə münasibət bildirib.Corner.az xarici KİV-ə istinadən xəbər verir ki, agent fransalı mütəxəssisin hərəkətini biabırçılıq adlandırıb:"Zidanın hərəkəti biabırçılıqdır. O, "Real" üçün bu günə qədər çox iş görmüş futbolçuya hörmət etmir".C. Barnet də öz növbəsində Beylin "Real"dan gedə biləcəyini təsdiqləyib. Menecer futbolçunun başqa komandaya transferi ilə məşğul olduqlarını bildirib.Qeyd edək ki, Zidan dünən gecə Beynəlxalq Çempionlar Kubokunda "Bavariya" ilə oyundan (1:3) sonra jurnalistlərə açıqlamasında Beylin yaxın günlərdə "kral klubu"ndan ayrılacağını deyib.
