Dünyanın ən bahalı qapıçısı olacaq

“Manchester United”in qapıçısı David De Xea ilə yeni müqavilə üçün razılaşdığını xəbər vermişdik.

Corner.az İngiltərə mətbuatına istinadən xəbər verir ki, Mançester təmsilçisi 28 yaşlı qapıçı ilə imzalayacaqları yeni müqavilənin detalları məlum olub. “Qırmızı şeytanlar”  ilə 6 illik müqavilə imzalayacaq təcrübəli qapıçı, həftədə 375 min pound (illik 19,5 milyon) məvacib qazanacaq. Bu da ispaniyalı qolkiperi dünyanın ən yüksək ödənişli qapıçısı edəcək.

Yeni müqavilənin komanda mövsümöncəsi hazırlıq üçün getdiyi ABŞ-dan qayıtdıqdan sonra imzalanacağı gözlənilir.

Qeyd edək ki, De Xea 2011-ci ildən “Manchester United”də çıxış edir.