Mərakeşli futbolçu üçün 30 milyon avroluq təklif

Mərakeşli yarımmüdafiəçi Sofyan Amrabat daimi olaraq "Fiorentina"dan "Fulhem" klubuna keçə bilər.

90deqiqe.Az-ın "SportItalia"ya istinadən məlumatına görə, 27 yaşlı futbolçu “Fulhem”in hədəfindədir və onlar yayda 30 milyonluq transferi başa vurmağa ümid edirlər. Lakin “qırmızı şeytanlar” futbolçunu yayda daimi olaraq almaqda maraqlı deyil.

Xatırladaq ki, Sofyan bu mövsümü icarə əsasında “Mançester Yunayted”də keçirir. Ümumilikdə yarımmüdafiəçi “Mançester Yunayted”in heyətində bütün turnirlərdə qol vurmadan 23 oyun keçirib. Mərakeşlinin "Fiorentina" ilə müqaviləsi 2025-ci ilin yayına qədər qüvvədədir.