PSJ "Barselona"nın məşhur transferini pozmaq istəyir

"Mançester Siti"nin ulduz yarımmüdafiəçisi Bernardo Silva Fransa çempionatında çıxış edə bilər.

90deqiqe.Az-ın "Todofichajes"ə istinadən məlumatına görə, PSJ 29 yaşlı futbolçunu heyətinə qatmaq istəyir. Parislilər yarımmüdafiəçi üçün kataloniyalı "Barselona" ilə mübarizə aparmaq niyyətindədir. PSJ maliyyə baxımından Blauqranadan üstündür. Liqa 1 çempionlarının Bernardonu almaq üçün vəsaiti var, kataloniyalılar isə bu mövzuda mübarizə aparır.

Silvanın bazar dəyəri 80 milyon avro olaraq qiymətləndirilir. Onun müqaviləsi 2026-cı ilin yayına kimi nəzərdə tutulub. Bu mövsüm portuqaliyalı Premyer Liqada 27 oyun keçirib, 6 qol vurub və 4 məhsuldar ötürmə edib.