"Yuventus"dan "Bavariya"ya

"Yuventus"un yarımmüdafiəçisi Adrien Rabiot qarşıdakı transfer pəncərəsində klubunu dəyişə bilər.

90deqiqe.Az-ın “La Gazzetta dello Sport"a istinadən məlumatına görə, fransız futbolçunun xidmətində "Bavariya" maraqlıdır. Alman klubu Rabiotu azad agent kimi almaq variantını diqqətlə izləyir. Qeyd olunur ki, "Bavariya" Adrianı qarşıdakı mövsümlərarası fasilədə satıla biləcək Coşua Kimmixin potensial əvəzləyicisi kimi nəzərdən keçirir.

29 yaşlı futbolçu 2019-cu ildən "Yuventus"da çıxış edir. Onun İtaliya klubu ilə hazırkı əmək müqaviləsi bu ilin yayına qədərdir.

Xatırladaq ki, daha əvvəl mətbuatda “Qoca sinyora”nın fransalı futbolçunun maaşının yüksək olması səbəbindən onunla müqaviləni yeniləmək niyyətində olmadığı barədə məlumat yayılmışdı.