"Real Sosyedad"dan "Mançester Yunayted"ə

"Real Sosyedad"ın qapıçısı Aleks Remiro "Mançester Yunayted"in diqqət mərkəzinə düşüb.

90deqiqe.Az-ın "Marca"ya istinadən məlumatına görə, “qırmızı şeytanlar” Remironu bu mövsüm ümidləri doğrultmayan Andre Onanın yerinə namizəd kimi görür.

Xatırladaq ki, Onana ötən yay “İnter”dən “Mançester Yunayted”ə keçmişdi. Qeyd edilir ki, “Real Sosyedad” qapıçı üçün 70 milyon avroluq böyük məbləğ istəsə də, ingilis klubu bunu azaltmağa çalışacaq. Remironun 29 yaşı var və qapıçının Bask klubu ilə 2027-ci ilin yayına qədər müqaviləsi var. Bu mövsüm o, bütün yarışlarda 45 oyunda 40 qol buraxıb.