Moise Kinlə iki klub maraqlanır

"Yuventus"un hücumçusu Moise Kin qarşıdakı transfer pəncərəsində satıla bilər.

90deqiqe.Az xəbər verir ki, italyan hücumçunun xidmətində "Sevilya" maraqladır.

 İtalyanı Fransanın “Renn” klubu da izləyir. "Yuventus" satışdan təxminən 10-15 milyon avro qazanacağını gözləyir.

24 yaşlı oyunçu yanvarda Bianconerini tərk edə bilərdi, lakin "Atletiko Madrid"ə keçid uğursuz olmuşdu.

Moise Kin bu mövsüm Massimiliano Alleqrinin komandasının heyətində 19 matçda iştirak edib, heç bir təsirli hərəkət qeydə alınmayıb. Futbolçunun Turin klubu ilə hazırkı müqaviləsi 2025-ci ilin ortalarına qədərdir.