- Transfer
- 01:09 04.07.2026
"Real Madrid" rəhbərliyi "Bayer"in yarımmüdafiəçisi Florian Virtsin gələcək transferi istiqamətində ilk addımlarını atıb.
90deqiqe.Az-ın "Marca"ya istinadən məlumatına görə, 21 yaşlı oyunçu gələn mövsüm "Bayer"də qalacağına qərar verdiyi üçün Virts Madrid klubunun 2025/2026 mövsümü üçün əsas transfer hədəfidir.
Xatırladaq ki, bu mövsüm Virts bütün turnirlərdə 46 matçda iştirak edib, 18 qol vurub, 19 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 110 milyon avrodur.
