- Transfer
- 14:25 26.07.2024
Ulduz Kilian Mbappenin kiçik qardaşı, yarımmüdafiəçi Ethan Mbappe də yay transfer pəncərəsində PSJ-dən ayrılır.
90deqiqe.Az-ın “Foot Mercato”ya istinadən məlumatına görə,17 yaşlı Mbappe "Lill"ə transfer olmaq üçün şifahi razılığa gəlib. Klub artıq kiçik Mbappe üçün tibbi müayinə təyin edib. Ethan Mbappe bu yay pulsuz imzalana bilər, çünki onun PSJ ilə hazırkı müqaviləsi başa çatır.
Xatırladaq ki, “Lill” Fransa çempionatının turnir cədvəlini dördüncü pillədə başa vurub. Komanda Çempionlar Liqasına vəsiqə qazanıb.
