Yunus Akgün "Lester"dən ayrıldı

"Lester Siti"də icarə əsasında çıxış edən Yunus Akgün, İngiltərə komandasından ayrıldığını açıqlayıb.

90deqiqe.Az məlumat verir ki, Çempionşip-də çempion olaraq Premyer Liqaya yüksələn komandanın heyətində çıxış edən futbolçu, ayrılığı haqqında sosial media hesabında paylaşım edib.

O, paylaşımında, "Mənə inandığınız, mənə 90 dəqiqə ayırdığınız, enerjim olduğunuz üçün təşəkkür edirəm. Klubdakı hər kəsə, məşqçilərə, komanda yoldaşlarıma, fizioterapevtlərə, mənə yardım edən və məni daha yaxşı bir oyunçu edən hər kəsə təşəkkür edirəm. Uğurlu yeni mövsüm arzu edirəm." ifadələrinə yer verib. 

23 yaşlı futbolçu meydanda olduğu 34 oyunda 2 qol və 4 məhsuldar ötürməlik performans göstərib.