"Brayton"u Bundesliqa nəhənginə dəyişə bilər

"Brayton"un yarımmüdafiəçisi Paskal Qross karyerasını Almaniyanın top klubu - "Borussiya Dortmund"da davam etdirə bilər.

90deqiqe.Az-ın “Sky Germany”a istinadən məlumatına görə,“arılar” 32 yaşlı futbolçuya maraq göstərir.  "Borussiya"nın yay üçün məqsədlərindən biri yeni yarımmüdafiəçi tapmaqdır. Düzdür, Dortmundluların Qrossla bağlı şübhələri var - hər şey oyunçunun yaşından asılıdır. Almanın "Qağayılar"la müqaviləsinin bitməsinə 1 il qalıb.

Daha əvvəl Qrossla digər, lakin statusu aşağı olan Bundesliqa klubu “Ayntraxt Frankfurt”un da maraqlandığı bildirilirdi.

Keçən mövsüm Paskal bütün turnirlərdə klubunda 47 matçda iştirak edib və bu matçlarda 5 qol vurub, 13 məhsuldar ötürmə edib.