Hollandiyalı futbolçu əvvəlki klubuna qayıdır

Keçmiş "Yunayted"li oyunçu Vaut Veqorst Almaniya klubu "Hoffenhaym"dan "Bernli"yə geri dönəcək.

90deqiqe.Az xəbər verir ki, bu haqda jurnalist Floryan Plettenberg "X" hesabında məlumat verib. 

O, Alman klubunun futbolçunun çıxışlarından çox razı qalsa da, hücumçunu satın almaq üçün təklif etməyəcəyini qeyd edib.

Bu mövsüm 31 yaşlı Veqorst "Hoffenhaym"la bütün turnirlərdə 30 matçda iştirak edib, 7 qol və 4 məhsuldar ötürmə edib.

Hücumçunun "Bernli" ilə  2025-ci il yayının sonuna qədər müqaviləsi davam edir. Xatırladaq ki, İngiltərə klubu 2023/2024 mövsümünün sonunda Premyer Liqadan aşağı yuvarlanmış və gələn il Çempionşipdə oynayacaq.