Ərəb klubları ona elçi düşdü

"Mançester Siti"nin qapıçısı Ederson Moraes yay transfer pəncərəsində klubunu dəyişə bilər.

90deqiqe.Az xəbər verir ki, bu barədə "CaughtOffside" məlumat yayıb.

Mənbənin məlumatına görə, braziliyalı qolkiperlə Səudiyyə Ərəbistanı çempionatının iki təmsilçisi maraqlıdır. Söhbət “Əl-Nəsr” və “Əl-İttihad”dan gedir. İngiltərə tərəfi də öz növbəsində qapıçı üçün təxminən 50 milyon avro təklif etsələr, onu buraxa bilər.

Ederson 2017-ci ilin yayından "Siti"də çıxış edir. Tərəflər arasında əmək müqaviləsi 2026-cı ildə başa çatır. Transfermarkt qapıçının bazar dəyərini 40 milyon avro olaraq qiymətləndirir.