"Bavariya"nın yeni baş məşqçisi məlum oldu

"Bavariya"nın idarə heyətinin üzvü Karl-Haynts Rummenigge Vinsent Kompaninin komandanın yeni baş məşqçisi olacağı ilə bağlı məlumatı təsdiqləyib.

90deqiqe.Az xəbər verir ki, funksioner bu qərarın rəsmi olaraq açıqlanmadan öncə yekun detalları dəqiqləşdirmək üzərində işlədiklərini bildirib.

“Bizim direktor Vinsent Kompanini baş məşqçi təyin etmək qərarına gəlib. Rəsmi olaraq elan edilməmişdən əvvəl bəzi detalları dəqiqləşdirmək niyyətindəyik”, - Rummenigge Almaniyanın Sky kanalına deyib.

Kompani son illərdə "Bernli"ni çalışdırıb. 2023/2024-cü il mövsümünün sonunda komanda Premyer Liqadan Çempionşinaya yuvarlandı. Xatırladaq ki, Tomas Tuxel bir müddət əvvəl “Bavariya”nın baş məşqçi postunu tərk edib. Komanda futbol mövsümünü kuboksuz başa vurub.