Erik ten Haqın yerinə əsas namizəd

"Mançester Yunayted" yaxın günlərdə Erik ten Haqı istefaya göndərə bilər.

90deqiqe.Az "UnitedMuppetiers"ə istinadən xəbər verir ki, hollandiyalı mütəxəssisin gələcəyi bu həftənin sonuna qədər həll edilməlidir.

Ten Haq qovulsa, "qırmızı şeytanlar"ın sükanı postuna əsas namizəd bu yaxınlarda "Çelsi"dən ayrılan Maurisio Poçettino olacaq. Argentinalı mütəxəssis bir il London komandasının rəhbəri vəzifəsində çalışıb.

Onun rəhbərliyi altında "mavilər" Premyer Liqa turnir cədvəlində altıncı yeri tutdu, həmçinin Liqa Kubokunun finalına və İngiltərə Kubokunun yarımfinalına yüksəldi.