"Çelsi" yeni transferini təqdim etdi

"Çelsi" "Fulhem"dən Tosin Adarabioyonu transfer etdiyini açıqlayıb. 

90deqiqe.Az xəbər verir ki, futbolçu "mavilər"lə 4 illik müqavilə imzalayıb. O, təqdimat mərasimində bunları deyib:

"Çelsi" nəhəng klubdur və bu mənim üçün tam bir dövrə anıdır. Mən "Stamford Bric" yaxınlığında anadan olmuşam. Mən çox həyəcanlıyam və kluba, getmək istədiyimiz istiqamətdə hərəkət etməkdə kömək etməyi səbirsizliklə gözləyirəm”. 

26 yaşlı Adarabioyo “Mançester Siti”nin yetirməsidir. Müdafiəçi üç il "Fulhem"də çıxış edib (2020-ci ildən). Ötən mövsüm bütün turnirlər daxil 25 oyun keçirib və iki qol vurub.  Transfermarkt internet portalına görə, Adarabioyonun təxmini dəyəri 20 milyon avrodur.