"Vest Hem" gənc futbolçu ilə gücləndi

"Palmeyras"ın cinah futbolçusu Luis Gilyerme karyerasını "Vest Hem"də davam etdirəcək.

90deqiqe.Az xəbər verir ki, bu barədə insayder Fabrizio Romano "X" sosial şəbəkəsində (keçmiş Twitter) məlumat verib.

O, "çəkiclilər"in 18 yaşlı futbolçu ilə bağlı şifahi razılığa gəldiklərini bildirib. Gilyermenin gələn həftə tibbi müayinədən keçəcəyi iddia edilir. Premyer Liqa klubu braziliyalı futbolçu üçün bonuslarla birlikdə 30 milyon avro ödəyəcək.

2024-cü ildə Gilyerme bütün turnirlərdə 18 matçda iştirak etdi, bir qol vurdu və bir məhsuldar ötürmə etdi. Ötən mövsümün sonunda “Vest Hem” İngiltərə çempionatının turnir cədvəlində 9-cu yeri tutmuşdu.