"Çelsi" və "Real Madrid" bu braziliyalı üçün mübarizə aparır

"Çelsi" və "Real Madrid" klubları,"Sport Recife"də çıxış edən Pedro Limanın transferi uğrunda mübarizə aparır.

90deqiqe.Az xəbər verir ki, bu haqda" AS" nəşri məlumat yayıb. Londonlular 17 yaşlı futbolçunun transferi məsələsində daha fəaldır, Madrid klubu isə gözləməyə üstünlük verir. Bildirilir ki, "Sport Recife" müdafiəçisini 6-7 milyon avroya satmağa hazırdır.

Pedro Lima əsas komandasında 2023/2024 mövsümündə debüt etdiyi "Sport Recife"in yetirməsidir. Futbolçu keçirdiyi 25 matçda iki qol vurub və eyni sayda məhsuldar ötürmə edib.

Qeyd edək ki, onun klub ilə müqaviləsi 2027-ci ilin yayına qədərdir.