"Şamaxı" və "Zirə" yeni transferlərlə heyətlərini gücləndirir

Azərbaycan Premyer Liqası klubları yeni mövsüm üçün heyətini gücləndirmək məqsədilə çalışmalarını davam etdirir.

90deqiqe.Az xəbər verir ki, "Şamaxı" müdafiəçi Adil Nağıyevi heyətinə qatıb. Nağıyev ilə bir illik müqavilə imzalanıb. Müdafiəçi, son mövsümü "Səbail" klubunda keçirib.

Digər tərəfdən, Zirə də heyətinə yeni futbolçu cəlb edib. Komanda "Kəpəz"dən Junior Martinsi transfer edib. Braziliyalı hücumçu ilə 3 illik müqavilə bağlanıb. 24 yaşlı Martins, karyerası ərzində Braziliyada ABC, "Palmeyra", "Maranao", "Moto-Klub MA" və Litvanın "Babrunqas" klublarında çıxış edib.