"Bolonya"nı "Mançester Yunayted"ə dəyişir

"Mançester Yunayted" "Bolonya"nın hücumçusu Coşua Zirkzi ilə maraqlanır.

90deqiqe.Az-ın “Athletic”ə istinadən məlumatına görə, “qırmızı şeytanlar” hələ İtaliya klubu ilə danışıqlara başlamasa da, hollandiyalı futbolçunun transfer imkanlarını onun nümayəndələri ilə müzakirə edir.

Xatırladaq ki, 23 yaşlı hücumçu 2022-ci ilin yayından “Bolonya”da çıxış edir.Ötən mövsüm Zirkzee bütün yarışlarda 37 matçda iştirak edib, 12 qol vurub və 7 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 50 milyon avrodur.