Ten Haq onu "MY"də görmək istəyir

 "Vest Hem"in müdafiəçi Edson Alvares karyerasını "Mançester Yunayted"də davam etdirə bilər.

90deqiqe.Az " Sky Sport"a istinadən xəbər verir ki, “qırmızı şeytanlar”ın baş məşqçisi Erik ten Haq meksikalı futbolçunun xidmətində şəxsən maraqlıdır.

Alvaresin özü də "Mançester Yunayted"ə keçmək istəyir. 26 yaşlı yarımmüdafiəçinin qiymətinin 55-60 milyon avro müəyyən oluna biləcəyi vurğulanır.

Ötən mövsüm Alvares bütün yarışlarda 42 matçda iştirak edib, o, iki qol vurub və iki məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 35 milyon avrodur.