Vaqner Lavın yeni klubu

"Beşiktaş"ın və Braziliya millisinin sabiq hücumçusu Vaqner Lav özünə yeni komanda tapıb.

90deqiqe.Az xəbər verir ki, 40 yaşlı futbolçu ölkəsinin “Avai” komandasında çıxış edəcək. Braziliya klubu sosial şəbəkələrdəki səhifələrində forvardla 1 illik müqavilə imzaladığını açıqlayıb.

Bu mövsüm Vaqner "Atletiko Qoianiens"nin heyətində 25 oyun keçirib və bu matçda yeddi dəfə rəqiblərin qapısına zərbə vurdu.

Xatırladaq ki, Vaqner 2004-2013-cü illərdə fasilələrlə ÇSKA-da çıxış edib, eyni zamanda Rusiyanın MOİK, Fransanın "Monako", Türkiyənin "Alanyaspor", "Beşiktaş" və Qazaxıstanın "Kayrat" komandalarının da formasını geyinib.