“Əl-Hilal” yüksək maaş müqabilində Rafinyanı “Barselona”dan qoparır

“Barselona”nın hücumçusu Rafinya Diaz karyerasını “Əl-Hilal”da davam etdirə bilər.

90deqiqe.Az "Mundo Deportivo"ya istinadən məlumat verir ki, Səudiyyə Ərəbistanı təmsilçisinin baş məşqçi Xorxe Jezus şəxsən braziliyalının transferində israrlıdır.

"Barselona" isə futbolçusu üçün 100 milyon avro təzminat tələb edir. "Əl-Hilal" artıq Rafinyaya çox yüksək maaş təklif edib ki, bu da braziliyalının Kataloniya klubunda aldığı illik maaşdan xeyli çoxdur.

27 yaşlı Rafinya İspaniya çempionatının son seriyasını 6 qol və 9 məhsuldar ötürmə ilə başa vurub. Braziliyalı 2022-ci ildən "Lids"dən köçdüyü vaxtdan "Blauqrana"da çıxış edir.