"Barselona"nın prezidenti "Mançester Siti"nin futbolçusunu transfer etmək istəyir

Avropa nəhəngi “Barselona” heyətini “Mançester Siti”nin hücumçusu ilə gücləndirə bilər.

90deqiqe.Az İspaniyanın "Sport" nəşrinə istinadən xəbər verir ki, "Barselona"nın prezidenti Joan Laporta "Mançester Siti"nin hücumçusu Julian Alvaresi transfer etmək istəyir. 

Kataloniya klubunun rəhbəri Alvaresin "Blauqrana" layihəsinə uyğun olduğuna əmindir. “Transfermarkt” portalı 24 yaşlı Julian Alvaresi 90 milyon avro dəyərində qiymətləndirir. Argentinalı forvard “Mançester Siti”nin heyətində 103 rəsmi oyun keçirib. O, bu oyunlarda 36 qol vurub və 18 məhsuldar ötürmə edib.