"Liverpul"un hücumçusu "Fənərbağça"ya keçə bilər

"Liverpul"un və Uruqvay millisinin hücumçusu Darvin Nunes karyerasını "Fənərbağça"da davam etdirə bilər.

90deqiqe.Az xəbər verir ki, Istanbul klubunun yeni baş məşqçisi Joze Mourinyo klubda əksər mövqeləri gücləndirməkdə maraqlı olsa da, yüksək səviyyəli forvard almaq istəyi önə çıxır.

“Fənərbağça”nın 25 yaşlı forvardın transferi ilə bağlı “Liverpul”la danışıqlara başlayıb.

Xatırladaq ki, 2023/2024 mövsümündə hücumçu bütün turnirlərdə 54 matçda iştirak edib, 18 qol vurub, 13 məhsuldar ötürmə edib. Futbolçunun klubla hazırkı əmək müqaviləsi 2028-ci ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 70 milyon avrodur.