"Ayaks" "Arsenal"ın müdafiəçisini istəyir

"Arsenal"ın müdafiəçisi Nuno Tavares karyerasını "Ayaks"da davam etdirə bilər.

90deqiqe.Az "Sky Sports"a istinadən xəbər verir ki,Amsterdam nəhəngi 24 yaşlı futbolçunu yay transfer pəncərəsində almaq imkanını nəzərdən keçirir.

Daha əvvəl bildirilmişdi ki, “Arsenal” yaxşı təklif olarsa, portuqaliyalını buraxmağa hazırdır.

Ötən mövsüm Tavares bütün turnirlər daxil olmaqla 12 matçda iştirak edib və effektli olmayıb. Müdafiəçinin "Arsenal"la hazırkı əmək müqaviləsi 2025-ci ilin yayına kimi nəzərdə tutulub. Transfermarkt Tavaresin dəyərini 15 milyon avro qiymətləndirir.