Vendel İstanbul nəhənglərinə təklif olundu

"Zenit"in braziliyalı yarımmüdafiəçisi Markus Vendel yay transferində klubunun qeydiyyatını dəyişə bilər.

90deqiqe.Az bu barədə xarici KİV-lərə istinadən xəbər verir.

26 yaşlı yarımmüdafiəçinin xidməti Türkiyə nəhənglərinə təklif olunub, söhbət "Qalatasaray", "Fənərbağça" və "Beşiktaş"dan gedir. Vendelin özünün İstanbula köçməyə hazır olduğu bildirilir.

Vendelin "Zenit"lə müqaviləsi 2027-ci ilə qədərdir.

Ötən mövsüm Vendel bütün yarışlarda 35 matçda meydana çıxıb, dörd qol vurub və on məhsuldar ötürmə edib.Nüfuzlu Transfermarkt portalının ekspertləri yarımmüdafiəçinin dəyərini 20 milyon avro qiymətləndirir.