Onana İngiltərədə klubunu dəyişdi

Belçika millisinin və "Everton"un yarımmüdafiəçisi Amadu Onana İngiltərə Premyer Liqasının digər klubuna keçir.

90deqiqe.Az xəbər verir ki, 22 yaşlı futbolçu bundan sonra "Aston Villa"nın uğurları üçün çalışacaq.

"Aslanlar" yarımmüdafiəçinin transferi üçün "şirniyyatlılar"a təxminən 60 milyon avro ödəyəcək.

Onana özü artıq birmingemlilərlə uzunmüddətli əmək müqaviləsi bağlamağa razılaşıb.

İngiltərə çempionatının ötən mövsümündə Amadu 30 matçda iştirak edib. Belçikalı futbolçu iki qol vurub və beş sarı vərəqə alıb. Premyer Liqanın son püşkatmasında "Aston Villa" dördüncü yeri tutaraq UEFA Çempionlar Liqasına vəsiqə qazanıb.