"Atletiko"nu "Milan"a dəyişdi

"Atletiko Madrid"in ispaniyalı hücumçusu Alvaro Morata karyerasını İtaliyanın "Milan"ında davam etdirəcək.

90deqiqe.Az xəbər verir ki, bu barədə tanınmış insayder Fabrizio Romano "X" sosial şəbəkəsində (keçmiş Twitter) yazıb.

O tərəflərin 31 yaşlı forvardın transferi ilə bağlı tam razılığa gəldiyini qeyd edib.

Forvardın transferi "Milan"a 13 milyon avroya başa gələcək.

Bu həftə Morata tibbi müayinədən keçəcək və "Milan" klubu ilə 4 illik əmək müqaviləsi bağlayacaq.

Ötən klub mövsümündə hücumçu bütün turnirlər də daxil olmaqla 48 matçda iştirak edib, 21 qol vurub və 5 məhsuldar ötürmə edib.