Kyeza uğrunda mübarizəyə daha bir klub qoşuldu

"Yuventus"un vingeri Federiko Kyeza karyerasını İngiltərə Premyer Liqasında davam etdirə bilər.

90deqiqe.Az “La Gazzetta dello Sport"a istinadən xəbər verir ki, “qoca sinyora”nın yeni sükançısı Tiaqo Mottanın gələcək planlarında yer almayan 26 yaşlı futbolçu “Tottenhem”i diqqət mərkəzinə düşüb.

London klubu artıq mümkün transferi müzakirə etmək üçün "Yuventus"la danışıqlara başlayıb.

İtaliyalı futbolçu ilə daha əvvəl “Roma”, “Napoli”, “Aston Villa”, “Mançester Yunayted” və “Bavariya” klubları maraqlanırdı.

Transfermarkt portalının 35 milyon avro dəyərində qiymətləndirdiyi Federiko Kyezanın müqaviləsi gələn ilin yayında başa çatır.