Kazemiro Premyer Liqada klubunu dəyişə bilər

"Mançester Yunayted"in yarımmüdafiəçisi Kazemiro Premyer Liqada klubunu dəyişə bilər.

90deqiqe.Az "Todofichajes"ə istinadən xəbər verir ki, 32 yaşlı futbolçu Premyer Liqanın digər klubu "Arsenal"dan təklif alıb. "Topçular"ın sükançısı Mikel Arteta təcrübəli futbolçunu komandasında görmək istəyir. London klubu artıq futbolçu ilə danışıqlara da başlayıb.

Bundan əlavə, braziliyalı futbolçu ilə Səudiyyə Ərəbistanı klubları da maraqlanır.

Kazemironun "Mançester Yunayted"lə hazırkı müqaviləsi 2026-cı ilin ortalarına qədərdir. Transfermarkt portalı futbolçuya 20 milyon avro qiymət qoyub.