"Napoli" "Yuventus"un keçmiş futbolçusu üçün hərəkətə keçdi

Fransalı yarımmüdafiəçi Adrien Rabyot karyerasını "Napoli"də davam etdirə bilər.

90deqiqe.Az "TuttoMercatoWeb"ə istinadən xəbər verir ki, neapollular “Yuventus”la müqaviləsi iyunun sonunda başa çatan 29 yaşlı futbolçu ilə danışıqlara başlayıb.

Bildirilir ki, fransalı futbolçu hələlik bu təklifə cavab verməyib.

Daha əvvəl "Yuventus"un Rabyota 7,5 milyon avro maaşla müqaviləsini uzatmaq üçün yeni təklif etdiyi, lakin futbolçunun gələn təklifləri nəzərdən keçirdiyi barədə məlumat yayılmışdı.

Ümumilikdə Adrien Rabyot “Yuventus”un heyətində 212 oyun keçirib, bu oyunda 22 qol vurub və tərəfdaşlarına 15 məhsuldar ötürmə verib.