Ronaldonun klubu onunla razılığa gələ bilməyib

Hüquqları "Yuventus"a məxsus olan polşalı qapıçı Voyçex Şesni Səudiyyə Ərəbistanının "Əl-Nəsr" klubuna keçməyəcək.

90deqiqe.Az xəbər verir ki, bu barədə “Athletic” məlumat yayıb. Mənbənin məlumatına görə, 34 yaşlı qolkiperin keçidi uğursuz alınıb. Tərəflər razılığa gələ bilməyiblər.

Xatırladaq ki, “qoca sinyora”nın və “Real”ın sabiq hücumçusu Kriştiano Ronaldo “Əl-Nəsr”də çıxış edir. Ötən mövsüm Szczesny 35 oyun keçirib və 30 qol buraxıb. 15 görüşdə Voyçex qapısını toxunulmaz saxlayıb. Qapıçı ilə “qoca sinyora” arasındakı əmək müqaviləsinin müddəti 2025-ci ilin ortalarına kimi hesablanıb.