"Lion" gürcü hücumçu transfer etdi

Son Avro 2024-ün ən yaxşı oyunçularından biri olan Gürcüstan millisinin hücumçusu Georges Mikautadze karyerasını "Lion"da davam etdirəcək.

90deqiqe.Az xəbər verir ki, bu barədə klubun mətbuat xidməti məlumat yayıb.

Tərəflər 4 illik müqavilə imzalayıblar. Müqavilə “toxucular”a bonuslarla birlikdə 23 milyon avroya başa gəlib.

Xatırladaq ki, Mikautadze ötən mövsümün ikinci yarısını Liqa 1-dən düşmüş “Metz”də keçirib. Yayda Gürcüstan millisinin hücumçusu Avro-2024-də yaxşı çıxış edərək komandasına üç qol vurub. Beləliklə, o, böyük futbol turnirində bombardirlər sırasına daxil oldu. Nüfuzlu Transfermarkt portalı 23 yaşlı forvardı 20 milyon avro dəyərində qiymətləndirir.