Vendel "Qalatasaray"ın təklifini qəbul etdi

"Zenit"in yarımmüdafiəçisi Vendel "Qalatasaray"a keçmək təklifini qəbul edib.

90deqiqe.Az xəbər verir ki, bu barədə "Fanatik" məlumat yayıb.

Mənbənin sözlərinə görə, hazırda Sankt-Peterburq və İstanbul klubları arasında braziliyalı futbolçunun transferinin qiyməti ilə bağlı artıq fikir ayrılığı yoxdur.

"Zenit"in daha əvvəl 26 yaşlı yarımmüdafiəçinin alınması üçün "Qalatasaray"dan 20 milyon avro tələb etdiyi vurğulanır.

Ötən mövsüm yarımmüdafiəçi bütün turnirlərdə 35 matçda iştirak edib, bu oyunda 4 qol vurub, 10 məhsuldar ötürmə edib. Futbolçunun klubla hazırkı əmək müqaviləsi 2027-ci ilin yayına kimi nəzərdə tutulub. Nüfuzlu “Transfermarkt” internet portalında verilən məlumata görə, 26 yaşlı futbolçunun bazar dəyəri 20 milyon avrodur.