"Barselona" onun üçün "Əl-Hilal"dan təklif gözləyir

"Barselona"nın hücumçusu Vitor Roke karyerasını Səudiyyə Ərəbistanında davam etdirə bilər.

90deqiqe.Az-ın "Diario Sport"a istinadən məlumatına görə, "Barselona" 19 yaşlı forvard üçün Səudiyyə Ərəbistanının "Əl-Hilal" klubundan təklif almağa ümid edir.

Kataloniya klubunun təklif alacağı təqdirdə transferin baş tutması üçün əlindən gələni edəcəyi bildirilir.

Xatırlayaq ki, Roke ötən qış “Barselona”ya keçsə də, heyətdə möhkəm dayana bilməyib. Hücumçu bu müddət ərzində bütün turnirlər də daxil olmaqla 16 matçda meydana çıxıb və iki qol vurub. Rokenin "Barselona" ilə müqaviləsi 2031-ci ilə qədərdir. Transfermarkt portalı futbolçunun dəyərini 30 milyon avro qiymətləndirir.